Trendflare

 ఏమో ఈ వేళ....

ఏమైందో ఈ వేళ....

మది మోయలేని ఊహలకు

రెక్కలొచ్చి రివ్వున గాలిలో ఎగురుతూ

ఊహల ఊయలలో నను ఊపుతూ

ఏవో అందమైన తీయని

తలపులను మది నుండి

ఎదకు చేరవేస్తుంటే....

ఎద భారమోపలేక....

పెదాలపై చిరునవ్వు పూస్తుంటే

ఎపుడూ కలగని ఏదో అలజడి

మనసును మెలిపెడుతుంటే

నిన్న మొన్నటి వరకు

నా చుట్టూనే వున్నావనుకుంటే

వెను తిరిగి చూస్తే

నీ జ్ఞాపకాల పూలను

ఎదపై రాల్చి వెళ్ళావు.

ఆ జ్ఞాపకాల చెట్టు ఊగినపుడల్లా

ఒక్కో జ్ఞాపకం ఎంత తీయనిదో

ఈ పూలు చెప్పకనే చెబుతుంటే

అపుడే నా మనసు

అంది అదే అదే ప్రేమని

All reactions:

65వెన్నెల్లో ఆడపిల్ల and 64 others